შეერთებული შტატების პრეზიდენტი ჯო ბაიდენი რუსული ნავთობისა და ქვანახშირის იმპორტის აკრძალვას გეგმავს. ამის შესახებ ტელეარხი CNN-ი სამ დამოუკიდებელ წყაროზე დაყრნობით იტყობინება.
ცოტა ხნის წინ, თეთრმა სახლმა გაავრცელა განცხადება, რომლის თანახმადაც პრეზიდენტი ბაიდენი გეგმავს რუსეთის წინააღმდეგ ახალი ზომების გამოცხადებას. სავარაუდოდ, საქმე სწორედ რუსულ ენერგომატარებლებს ეხება.
CNN-ის ცნობით, აშშ ამ ნაბიჯს დამოუკიდებლად, ევროპელი მოკავშიირების გარეშე გადადგამს, რადგან ევროპის ქვეყნებს შორის ამ საკითხზე ერთიანობას ვერ მიაღწეს. აღნისაშნავია, რომ ევროკავშირის ქვეყნები უფრო მეტად არიან დამოკიდებულები რუსულ ენერგომატარებლებზე, ვიდრე აშშ.
რუსეთის ენერგომატარებლების ექსპორტის წილის მხოლოდ 8% მოდის აშშ-ზე, საიდანაც ნედლი ნავთობი მხოლოდ 3%.
თავდაპირველად, ბაიდენი გამორიცხავდა ენერგომატარებლების იმპორტზე აკრძალვის დაწესებას, რადგან მიუხედავად იმისა, რომ აშშ არ არის რუსეთის ნავთობზე დიდად დამოკიდებული, ეს ნაბიჯი მაინც გამოიწვევდა საწვავის ფასის ზრდას.
რუსულ გაზთან დაკავშირებით საქმე ბევრად მარტივადაა, რადგან აშშ საერთოდ არ ყიდულობს გაზს რუსეთიდან.
