აზერბაიჯანული ავიაკომპანიები AZAL და Buta Airways 6 მარტს 08:00 საათიდან აჩერებენ ყველა ფრენას რუსეთის ფედერაციის ქალაქების მიმართულებით, - იტყობინება day.az.
"ყველა მგზავრს ვთხოვთ თვალი ადევნონ ავიაკომპანიის ფრენების შესახებ უახლეს ინფორმაციას ავიაკომპანიის ოფიციალური ანგარიშების გვერდებზე სოციალურ ქსელებსა და მედიაში. გაუქმებული ფრენების მგზავრებს უფლება აქვთ შეცვალონ გამგზავრების თარიღი ან დაიბრუნონ ბილეთების ღირებულება", - ნათქვამია AZAL-ის განცხადებაში.
AZAL-ი იტყობინება, რომ ეს გამოწვეულია საერთაშორისო საავიაციო დაზღვევისა და გადაზღვევის ბაზარზე სანქციებთან დაკავშირებული ბოლო ცვლილებებით.
"ეს ცვლილებები ასევე შეეხო აზერბაიჯანის ეროვნული ავიაკომპანიის საქმიანობას. შექმნილ ვითარებაში AZAL-მა და სადაზღვევო კომპანიებმა დეტალურად უნდა გააანალიზონ შეცვლილი სიტუაცია, შეაფასონ ყველა უარყოფითი და დადებითი გავლენა, შეისწავლონ ყველა შესაძლო ცვლილება მათ პოლისებში. ფრენების უსაფრთხოება AZAL-ის პოლიტიკის ერთ-ერთი საფუძველია. საერთაშორისო ფრენების განხორციელებისას სრულფასოვანი დაზღვევის შესაძლებლობის არარსებობა არაგონივრულ რისკებს უქმნის ჩვენი ქვეყნების მოქალაქეებს, ავიაკომპანიებს და სხვა იურიდიულ პირებს. აღნიშნულთან დაკავშირებით", - იტყობინება AZAL-ი.
