მსოფლიოში სიდიდით მეორე ტანსაცმლის საცალო გაყიდვების შვედური ბრენდი H&M, უკრაინაში შეჭრის გამო, რუსეთში გაყიდვებს აჩერებს.
H&M-ის წარმომადგენლის განცხადებით, კომპანია ღრმად შეშფოთებულია უკრაინაში განვითარებული ტრაგიკური მოვლენებით და "დგას ყველა იმ ადამიანის გვერდით, ვინც ტანჯვას განიცდის".
"H&M Group-მა გადაწყვიტა დროებით შეაჩეროს ყველა გაყიდვა რუსეთში", - ნათქვამია განცხადებაში.
მანამდე, H&M-მა დახურა თავისი მაღაზიები უკრაინაში პერსონალისა და მომხმარებლების უსაფრთხოებასთან დაკავშირებული შეშფოთების გამო.
