რუსეთის საგარეო საქმეთა ყოფილი მინისტრი ანდრეი კოზირევი მოუწოდებს ყველა რუს დიპლომატს, უკრაინაში შეჭრის პროტესტის ნიშნად, თანამდებობები დატოვონ. ამის შესახებ კოზირევმა სოციალურ ქსელში დაწერა.
"ძვირფასო რუსო დიპლომატებო, თქვენ ხართ პროფესიონალები და არა იაფფასიანი პროპაგანდისტები. როცა საგარეო საქმეთა სამინისტროში ვმუშაობდი, ვამაყობდი ჩემი კოლეგებით. ახლა უბრალოდ შეუძლებელია უკრაინაში სისხლისმღვრელი ძმათამკვლელი ომის მხარდაჭერა", - დაწერა კოზირევმა.
ანდრეი კოზირევი ბორის ელცინის მთავრობაში, 1990-1996 წლებში საგარეო საქმეთა მინისტრის თანამდებობას იკავებდა.
