მიუხედავად იმისა, რომ კიევმა ბელარუსში რუსეთთან შეხვედრაზე უარი განაცხადა, რუსული დელეგაციის წევრები ამ დრომდე მინსკში რჩებიან. რუსეთის პრეზიდენტის თანაშემწემ დიმიტრი მედინსკიმ მედიას განუცხადა, რომ უკრაინის პრეზიდენტს მოსაფიქრებლად კიდევ ერთ საათს აძლევენ.
მედინსკიმ თქვა, რომ მოლაპარაკების დაწყებისთვის ყოველლი საათი და წუთი მნიშნელოვანია, რადგან ეს "ჩვენი ძმა უკრაინელების" გადარჩენილ სიცოცხლეს ნიშნავს.
"დეტალურად განვხილეთ უკრაინის დელეგაციის მარშრუტი და ჩვენი მხრიდან უზრუნვეყოფილი და გარატირებულია უკრაინული დელეგაციის აბსოლუტური უსაფრთხოება. დილიდან ვიმყოფებით ბელარუსში, ქალაქ გომელამდე მინსკიდან 3 საათის სავალ გზაზე. ჩვენთვის ყოველი საათი და წუთი მნიშვნელოვანია. მოლაპარაკებების, რაც შეიძლება სწრაფად დაწყება, ჩვენი ძმა უკრაინელების, მშვიდობიანი მოქალაქეებისა, და იმ ჯარიკაცების სიცოცხლის გადარჩენას ნიშნავს, რომლებიც ფრონტის ხაზზე იმყოფებიან", - თქვა მედინსკიმ.
მანამდე, უკრაინის პრეზიდენტმა ვოლოდიმირ ზელენსკიმ, დღეს გავრცელებულ ვიდეომიმართვაში განაცხადა, რომ მზად არის რუსეთთან მოლაპარაკებებისთვის, მაგრამ არა ბელარუსის ტერიტორიაზე, საიდანაც თავს დაესხნენ უკრაინას.
ზელენსკის განცხადებით, "აგრესიული ქმედებები" ბელორუსის ტერიტორიიდან ნიშნავს, რომ ამ ქვეყანაში მოლაპარაკებების გამართვა შეუძლებელია.
ბელარუსი რუსეთის მოკავშირეა და უკრაინაში რუსეთის შეჭრაში მთავარი როლი ითამაშა.
