ეგვიპტეში მომხდარ ავტოსაგზაო შემთხვევას 14 ადამიანის სიცოცხლე ემსხვერპლა. ამას გარდა, აღნიშნული ავტოავარიის შედეგად დაზარალებულია 9 ადამიანი. ინფორმაციას ამის შესახებ ეგვიპტის პოლიცია ავრცელებს.
პოლიციის წარმომადგენელთა განცხადებით, დიდი სისწრაფით მიმავალი მგზავრებით სავსე მიკროავტობუსი სატვირთო ავტომობილს დაეჯახა, რომელსაც 15 ტონა ხორბალი გადაჰქონდა.
წინასწარი ინფორმაციით, მიკროავტობუსს რომელიც დიდი სისწრაფით მიდიოდა საბურავი გაუსკდა. ამის შედეგად მძღოლმა საჭე ვერ დაიმორჩილა და სატვირთო ავტომობილს დაეჯახა.
ყველა გარდაცვლილი ეგვიპტელია. მათ შორისაა ექვსი ქალი და 10 წლის გოგონა.
