აშშ რუსეთის წინაშე არ დათმობს თავის ფუნდამენტურ პრინციპებს, მათ შორის ნატო-ს ღია კარის პოლიტიკას, - განაცხადა შეერთებული შტატების სახლემწიფო მდივანმა ენტონი ბლინკენმა.
"მნიშვნელოვანია, რომ მკაფიოდ განვაცხადოთ, თუ რას ვაკეთებთ... ჩვენ არ დავთმობთ ფუნდამენტურ პრინციპებს, მათ შორის ნატო-ს ღია კარის პოლიტიკას", - განაცხადა ბლინკენმა ჟენევაში რუსეთის საგარეო საქმეთა მინისტრ სერგეი ლავროვთან შეხვედრის დასრულების შემდეგ.
მან აღნიშნა, რომ ლავროვს მკაფიოდ უთხრა, რომ არსებობს პრინციპები, რომლებსაც აშშ პარტნიორებთან და მოკავშირეებთან ერთად მტკიცედ დაიცავს.
21 იანვარს, აშშ-ის სახელმწიფო მდივანმა ენტონი ბლინკენმა და რუსეთის საგარეო საქმეთა მინისტრმა სერგეი ლავროვმა ჟენევაში შეხვედრა გამართეს.
