საფრანგეთის იუსტიციის ყოფილმა მინისტრმა კრისტიან ტობირამ შაბათს ოფიციალურად წარადგინა თავისი კანდიდატურა ქვეყნის საპრეზიდენტო არჩევნებში მონაწილეობის მისაღებად.
კრისტიან ტობირამ თავისი განზრახვის შესახებ ლიონში, მხარდამჭერებთან შეხვედრაზე, განაცხადა.
საფრანგეთის პრეზიდენტობის კანდიდატის განცხადებით, მისი გამარჯვების შემთხვევაში, დისკრიმინაციისა და უთანასწორობის წინააღმდეგ შეურიგებელ ბრძოლას გამოაცხადებს.
ამასთან, კრისტიან ტობირა დაჰპირდა მხარდამჭერებს, რომ მისი პრეზიდენტობისას, სტუდენტები 5 წლის განმავლობაში (სწავლის პერიოდში) სახელმწიფოსგან 800 ევროს ოდენობით სტიპენდიას მიიღებენ.
კრისტიან ტობირა 2002 წლის საპრეზიდენტო არჩევნებშიც იღებდა მონაწილეობას, მემარცხენეთა პარტიიდან. მაშინ მან პირველ ტურში ხმების 2.32% მიიღო.
საფრანგეთის საპრეზიდენტო არჩევნები 2022 წლის აპრილშია დაგეგმილი.