თელავში მთავარ საახალწლო ნაძვის ხეს ცეცხლი გაუჩნდა.
გავრცელებული ინფორმაციით, დაიწვა ნაძვის ხის კენწერო და ილუმინაციები.
ცეცხლის ჩაქრობა მეხანძრე-მაშველებმა მალევე შეძლეს.
"ქალაქის მთავარი ნაძვის ხის წვეროს გაუჩნდა ცეცხლი. წინასწარი ინფორმაციით, შემთხვევა ფოიერვერკის სროლის შედეგად მოხდა. ხანძრის შედეგად დაზიანებულია საახალწლო განათების მცირე ნაწილიც. ვცდილობთ, უმოკლეს დროში მოვაწესრიგოთ დაზიანებული ნაწილი და აღვადგინოთ განათება. გამომწვევ მიზეზებს ვადგენთ და შესაბამისად ვიმოქმედებთ", - თქვა თელავის მუნიციპალიტეტის საკრებულოს თავმჯდომარემ, თენგიზ მთვარელიშვილმა.
ფოტო: მთავარი არხი
