კორონავირუსი ავსტრალიაში პაბებსა და კლუბებშიც ვრცელდება. „ომიკრონის“ ახალი შემთხვევები სწორედ იმ პირებს უკავშირდება, რომლებიც წვეულებას გემზე დაესწრნენ.
„როიტერსის“ ინფორმაციით, ხელისუფლებამ სიდნეიში რეგულაციები ოქტომბერში შეამცირა, მანამდე კი ქვეყანაში თითქმის 4-თვიანი „ლოკდაუნი“ მოქმედებდა. პაბებში დაინფიცირებულთა ნიმუშებს ახლა ლაბორატორიებში იკვლევენ, რომ განსაზღვრონ, არიან თუ არა მათ შორის „ომიკრონით“ დაავადებულები. ნიუ საუთ უელსის საავადმყოფოებში ამჟამად 151 ადამიანია მოთავსებული და არცერთი მათგანი არ არის ახალი ვარიანტით ინფიცირებული.
„ომიკრონი“ ავსტრალიაშიც მსუბუქი სიმპტომებით გადააქვთ.
