ჟურნალმა Economist-ის ანალიტიკურმა განყოფილებამ Economist Intelligence Unit-მა ცხოვრების ღირებულების დონის მიხედვით, მსოფლიოს ყველაზე ძვირი ქალაქების რეიტინგი შეადგინა.
რეიტინგის სათავეში ისტორიაში პირველად ისრაელის ქალაქი თელ ავივი მოექცა.
"ამ რეიტინგში თელ ავივმა პირველად დაიკავა წამყვანი პოზიცია და გასული წლის მეხუთე ადგილიდან პირველ ადგილზე გადაინაცვლა. თელ ავივის პოზიციის ზრდა ძირითადად დაკავშირებულია ისრაელის ეროვნული ვალუტის, შეკელის გამყარებას აშშ დოლართან მიმართებაში", - ნათქვამია EIU-ს მიმოხილვაში.
რეიტინგში მეორე ადგილი პარიზმა დაიკავა, მას მოსდევს სინგაპური. სიაში მეოთხე და მეხუთე ადგილები, ციურიხმა და ჰონგ კონგმა დაიკავეს.
მსოფლიოს ყველაზე ძვირი ქალაქების ტოპ 10-ში ასევე შედის ნიუ-იორკი, ჟენევა, კოპენჰაგენი, ლოს-ანჯელესი და ოსაკა.
რეიტინგის მიხედვით, დამასკო, ტრიპოლი, ტაშკენტი, ტუნისი და ალმატი მსოფლიოში საცხოვრებლად ყველაზე იაფ ქალაქებად დასახელდა.
EIU ცხოვრების ღირებულების ინდექსებს მსოფლიოს 173 ქალაქში წელიწადში ორჯერ იკვლევს. ექსპერტები თავიანთ ანგარიშს აყრდნობენ ასობით საქონლისა და მომსახურების ფასებს, როგორიცაა საკვები, ტანსაცმელი და საცხოვრებლის გაქირავება.
