რუსეთის თავდაცვის სამინისტროს ინფორმაციით, დაიწყო რეგულარული ზამთრის სამხედრო წვრთნები თავის სამხრეთ სამხედრო რეგიონში.
რუსეთის სამხრეთ სამხრეთ რეგიონში შემავალი ტერიტორიების ნაწილი ესაზღვრება უკრაინას ან მის ოკუპირებულ რეგიონებში მდებარეობს.
თავდაცვის სამინისტროს განცხადებაში ნათქვამია, რომ წვრთნები ასევე ჩატარდება ანექსირებულ ყირიმში, შავი ზღვის ნახევარკუნძულზე და რუსეთის რეგიონში, რომელიც ესაზღვრება დონბასს, აღმოსავლეთ უკრაინის ტერიტორიას, რომლის ოკუპირება მოახდინეს რუსეთის მიერ მხარდაჭერილმა სეპარატისტებმა.
თავდაცვის უწყების ცნობით, სამხედრო წვრთნებში მონაწილეობას 10 000-მდე ჯარისკაცი მიიღებს.
განცხადებაში ასევე ნათქვამია, რომ წვრთნები, რომელშიც მონაწილეობენ მოტორიზებული ქვეითი ქვედანაყოფები, ჩატარდება 30-ზე მეტ საწვრთნელ მოედანზე სულ მცირე ექვს სხვადასხვა რეგიონში, მათ შორის სამხრეთ კავკასიაში მდებარე რუსული ბაზების პოლიგონებზე.
ბოლო კვირების განმავლობაში შეერთებული შტატები, ნატო და უკრაინა შეშფოთებას გამოთქვამენ უკრაინის საზღვართან რუსეთის ძალების უჩვეულო გადაადგილებისა და უკრაინაში რუსეთის შესაძლო შეჭრის შესახებ.
