რუსეთის, აზერბაიჯანისა და სომხეთის ლიდერებმა სოჭში გამართული სამმხრივი შეხვედრის შემდეგ ერთობლივი განცხადება მიიღეს.
ილჰამ ალიევთან და ნიკოლ ფაშინიანთან ერთობლივი შეხვედრის დასრულების შემდეგ, ვლადიმირ პუტინმა აღნიშნა, რომ აღნიშნული შეხვედრა იყო სასარგებლო და დროული.
"ჩვენ, როგორც უკვე ითქვა, ერთობლივი მუშაობის შემდეგ ხელი მოვაწერეთ განცხადებას, საზოგადოებას და მედიას შეუძლია გაეცნოს მას. განცხადებაში დაწვრილებით არის მოცემული ყელაფერი, რაზეც შევთანხმდით", - განაცხადა პუტინმა.
ერთობლივ განცხადებაში ნათქვამია, რომ მხარეებმა დაადასტურეს მთიანი ყარაბაღის რეგიონის კონფლიქტის ზონაში ცეცხლის სრულად შეწყვეტისა და ყველა საომარი მოქმედებების თაობაზე გასულ წელს მიღებული შეთანხმების შესრულების ვალდებულება.
ამასთან, აღნიშნეს, რომ იზიარებენ რეგიონში ყველა ეკონომიკური და სატრანსპორტო კავშირების განბლოკვის შესახებ მიღწეული შეთანხმების მნიშვნელობას.
განცხადებაში ასევე ნათქვამია, რომ მხარეები ხაზს უსვამენ რუსეთის მნიშვნელოვან წვლილს ვითარების სტაბილიზაციასა და რეგიონის უსაფრთხეობის უზრუნველყოფაში.
გარდა ამისა, მხარეები თანხმდებიან, რომ რუსეთის კონსულტაციებით, განაახლებენ აზერბაიჯან-სომხეთის საზღვრის დელიმიტაციისა და დემარკაციის პროცესს.
სიტყვით გამოსვლის დასრულების შემდეგ მან აზერბაიჯანისა და სომხეთის ლიდერებს ზეთისხილის რტოები აჩუქა.
"ჩემგან მარცხნივ თქვენ ხედავთ ჩემს საჩუქარს და სომეხ და აზერბაიჯანელ მეგობრებს. ზეთისხილის რტო მშვიდობისა და კეთილდღეობის სიმბოლოა. დიდი იმედი მაქვს, რომ დღევანდელი შეთანხმება შესრულდება და შექმნის პირობას მომდევნო ნაბიჯებისთვის სამხრეთ კაკასიაში ურთიერთობების ნორმალიზების საქმეში", - განაცხადა პუტინმა.
მოოქროვილი ზეთისხილის რტო, რომელიც პუტინმა აზერბაიჯანისა და სომხეთის ლიდერებს გადასცა, დამზადებულია დაკვეთით, ორ ეგზემპლარად.
მასიურ ხის ძირზე, რომელზეც დატანილია წარწერა "სოჭი, 2021 წლის 26 ნოემბერი". დამაგრებულია მოოქრივილი ზეთისხილის რტო. "ის წარმოადგენს მშვიდობის, გამარჯვების, სიხარულის, სიწმინდის, სიბრძნისა და უკვდავების სიმბოლოს. ეს ღვთიური ხე ანტიკურ, იუდევურ, ქრისტიანულ და ისლამურ ტრადიციებშია", - განმარტეს რუსეთის პრეზიდენტის პროტოკოლის სამსახურში.