ესპანელი მხატვრის პაბლო პიკასოს თერთმეტი ნამუშევარი, რომლებიც 20 წლის განმავლობაში ლა-ვეგასის სასტუმროში იყო გამოფენილი, აუქციონზე 110 მლნ დოლარად გაიყიდა.
ტილოები და სხვა ნაწარმოებები, რომლებიც MGM Resorts-ს ეკუთვნოდა, სასტუმრო "ბელაჯიოს" რესტორან "პიკასოში" გამოიფინა. მფლობელები იმედოვნებენ, რომ პიკასოს შედევერები მათ კოლექციის გამრავალფეროვნებაში დაეხმარება.
აუქციონზე წარმოდგენილი იყო ცხრა ნახატი და ფაიფურის ორი ნამუშევარი.
ყველაზე ძვირად გაიყიდა 1938 წელს შექმნილი ნახატი "ქალი წითელ-ნარინჯისფერი ბერეტით". ტილოზე პიკასომ თავისი მუზა და საყვარელი ქალი მარია-ტერეზა ვალტერი გამოსახა. ნახატი 40,5 მლნ დოლარად შეიძინეს.
თითქმის ორმეტრიანი ნახატი "კაცი და ბავშვი" 24,4 მლნ დოლარად გაიყიდა.
აუქციონზე ასევე გამოფენილი იყო "ნატურმორტი ხილისა და ყვავილების კალათით", რომელიც ესპანელმა მხატვარმა 1942 წელს შექმნა ნაცისტების მიერ ოკუპირებულ პარიზში. ტილო 16,6 მლნ დოლარად გაიყიდა.