თურქეთმა საკუთარი წარმოების ვაქცინა Turkovac-ით ვაქცინაციის პროცესი დაიწყო, აღნიშნულის შესახებ ინფორმაციას გაზეთი Yeni Şafak ავრცელებს.
თურქეთის ფარმაციისა და სამედიცინო აღჭურვილობის სააგენტომ (TİTCK) სამამულო წარმოების ვაქცინა Turkovac-ი ბუსტერ დოზად გამოყენებისთვის დაამტკიცა.
ქვეყანაში Turkovac-ით ვაქცინაცია, ანუ მისი მესამე დოზად გამოყენება, 7 ოქტომბრიდან დაიწყო იმ ადამიანებზე, ვინც აცრილია Sinovac-ის ვაქცინის ორი დოზით.
თურქეთი მეშვიდე ქვეყანაა COVID-19-ის საწინააღმდეგო ვაქცინაციის მოხმარების თვალსაზრისით, განაცხადა თურქეთის ჯანდაცვის მინისტრმა ფაჰრეტინ კოჩამ.
მან აღნიშნა, რომ აღნიშნული შედეგი ექიმების თავდადებული მუშაობის წყალობით მიიღწა.
დღემდე, თურქეთში COVID-19- ის ვაქცინების 112 მილიონი დოზაა შემოტანილი.
