საქართველოში ამ დროისათვის სრულად COVID-ვაქცინირებულია მოზრდილი მოსახლეობის 30.3%-ი.
დაავადებათა კონტროლის ეროვნული ცენტრის ინფორმაციით, 9 ოქტომბრის მონაცემებით სულ ჩატარებულია 1 862 753 აცრა. სულ მცირე 1 დოზით ვაქცინირებულია 998 444 ადამიანი - მოზრდილი მოსახლეობის 35.1%-ი.
სრულად ვაქცინირებულია 864 309 ადამიანი - მოზრდილი მოსახლეობის 30.3 %-ი.
8 ოქტომბერს აიცრა 9 457 ადამიანი.
ვაქცინაციის პროცესი საქართველოში 15 მარტს დაიწყო. დღევანდელი მონაცემებით, საქართველოში ოთხი ვაქცინით, "სინოფარმით", "სინოვაკით", "ასტრაზენეკათი" და "ფაიზერით" აცრაა შესაძლებელი.
ვაქცინაციის გეგმის თანახმად, წლის ბოლომდე, საქართველოს მოსახლეობის 60%, ანუ მილიონ 700 ათასი ადამიანი უნდა აიცრას.
