24 საათზე მეტია მთელი საქართველო თვალს ვადევნებთ ბათუმში მომხდარ ტრაგედიას, ამ შემზარავმა შემთხვევამ სრულიად მოიცვა ჩვენი ფიქრები, წერს სოციალურ ქსელში ვიცე-პრემიერი დავით ზალკალიანი.
მისი განმარტებით, დაშავებულთა შორის ერთ-ერთი საგარეო საქმეთა სამინისტროს თანამშრომლის ოჯახის წევრია.
"გვტკივა თითოეული გარდაცვლილის გამო. დაშავებულთა შორის ერთ-ერთი საგარეო საქმეთა სამინისტროს თანამშრომლის ოჯახის წევრია, მთელი უწყება დღეს მაკოს, მისი ოჯახის და ბათუმში დაღუპული და დაშავებული პირების გვერდით დგას. მადლობა ჩვენს მაშველებს, რომლებიც გმირულად იბრძვიან ნანგრევებში მოყოლილი თითოეული ადამიანისთვის", წერს ზალკალიანი.
