ბათუმში, კორპუსის ნანგრევებიდან ცოტა ხნის წინ ამოყვანილი კაცის ჯანმრთელობის მდგომარეობა მძიმეა. აღნიშულის შესახებ კლინიკა მედცენტრის დირექტორმა განაცხადა.
"შემოსვლის დროს მისი მდგომარეობა მძიმე იყო, გამოხატული იყო ტრამვული შოკი, სხეულის ზოგადი დაჟეჟილობა, გულ-მკერდის დახურული ტრავმა, მარცხენა კოჭის ღია მოტეხილობა. პაციენტს გაეწია გადაუდებელი დახმარება და მიმდინარეობს საჭირო კვლევები", - თქვა კლინიკის დირექტორმა.
კაცი მაშველებმა ნანგრევებიდან რამდენიმე წუთის წინ ამოიყვანეს. არსებული ინფორმაციით, ის შშმ პირია, რომელიც მე-6 სართულზე ცხოვრობდა.
გადარჩენილი მამაკაცი ნანგრევების ქვეშ დაახლოებით 11 საათს განმავლობაში იმყოფებოდა.
მანამდე მაშველებმა წინ ნანგრევებიდან ახალგაზრდა ქალი ამოიყვანეს. ის კლინიკაში მძიმე მდგომარეობაშია მოთავსებული. ნანგრევების ქვეშ რჩებიან ქალის ორი შვილი, ორ წლამდე და 9 წლის ბავშვები.
საგანგებო სიტუაციების მართვის სამსახურის თანამშრომლების მიერ ამ წუთებში სამძებრო-სამაშველო სამუშაოები ტარდება.
დღეს, დაახლოებით 12 საათზე, ბათუმში, 26 მაისის ქუჩაზე, კორპუსის ნაწილი მთლიანად ჩამოინგრა. დაუზუსტებელი ინფორმაციით, ნანგრევებში დაახლოებით 10-15 ადამიანი მოყვა.
