17 სექტემბერს ტაჯიკეთის დედაქალაქ დუშანბეში გამართულ შანხაის თანამშრომლობის ორგანიზაციის (SCO) სამიტის მონაწილეებმა ერთხმად დაუჭიერს მხარი ირანის სრულუფლებიან წევრობას.
მანამდე ირანი ამ რეგიონულ ორგანიზაციაში, რომელშიც რუსეთი და ჩინეთი დომინირებენ, დამკვირვებელი წევრის სტატუსით სარგებლობდა.
ორგანიზაციაში გაწევრიანებასთან დაკავშირებით, ირანის საგარეო საქმეთა მინისტრმა, ჰოსეინ ამირ აბდოლაჰიანმა განაცხადა, რომ ეს გადაწყვეტილება მნიშვნელოვან და პოზიტიურ გავლენას მოახდენს ირანის როგორც საერთაშორისო, ასევე რეგიონული კონტაქტების განმტკიცებაზე.
შანხაის თანამშრომლობის ორგანიზაცია რეგიონული საერთაშორისო ორგანიზაციაა, რომელიც დაარსდა 2001 წლის 15 ივნისს ჩინეთის, რუსეთის, ყაზახეთის, ტაჯიკეთის, ყირგიზეთისა და უზბეკეთის ქვეყნების ლიდერების მიერ.
2017 წელს ორგანიზაციას ინდოეთი და პაკისტანი შეუერთდნენ.
გარდა მუდმივი/სრულუფლებიანი წევრებისა ორგანიზაციას ჰყავს დამკვირვებლის სტატუსისა და დიალოგის პარტნიორის მქონე ქვეყნები.
დამკვირვებლის სტატუსით სარგებლობენ ავღანეთი, ბელარუსი, მონღოლეთი, ხოლო დიალოგის პარტნიორები არიან აზერბაიჯანი, სომხეთი, კამბოჯა, ნეპალი, თურქეთი და შრი-ლანკა.