სომხეთი აზერბაიჯანს გაერო-ს საერთაშორისო სასამართლოში (ICJ) უჩივის და რასობრივ დისკრიმინაციაში ადანაშაულებს. ინფორმაციას სააგენტო Reuters-ი ავრცელებს.
სომხური მხარე ამტკიცებს, რომ "აზერბაიჯანი ათწლეულების განმავლობაში ახდენდა სომხეთის რასობრივ დისკრიმინაციას", რაც გამოიხატებოდა მასობრივ მკვლელობებში, წამებასა და სხვა დარღვევებში.
ამის საფუძველზე სომხეთი სთხოვს სასამართლოს, დამნაშავედ ცნოს აზერბაიჯანი დისკრიმინაციის ყველა ფორმის აღმოფხვრის შესახებ საერთაშორისო კონვენციის დარღვევაში და მიყენებული ზარალის კომპენსირება მოახდინოს.
თავის მხრივ, აზერბაიჯანის საგარეო საქმეთა სამინისტროში აცხადებენ, რომ უახლოეს ხანში თავადაც მიმართავენ ჰააგის სასამართლოს საპასუხო სარჩელით.
