უკრაინა დამოუკიდებლობის დღეს აღნიშნავს.
დღეს, 24 აგვისტოს, უკრაინის დამოუკიდებლობის გამოცხადებიდან 30 წელი შესრულდა.
უკრაინამ სსრკ-ისგან დამოუკიდებლობა 1991 წლის 24 აგვისტოს გამოაცხადა.
უკრაინას დამოუკიდებლობის დღეს ულოცავს საქართველოს პრეზიდენტი სალომე ზურაბიშვილი.
როგორც სალომე ზურაბიშვილი სოციალურ ქსელ „ტვიტერში“ წერს, საქართველომ და უკრაინამ თავისუფლებამდე ერთნაირი გზა გაიარეს და ორი ქვეყანა ერთად გაივლის გზას ევროპისკენ.
„უკრაინის დამოუკიდებლობის გამოცხადებიდან 30 წლის შემდეგ, მსურს უკრაინის პრეზიდენტ ზელენსკის და უკრაინელ ხალხს ბედნიერი დამოუკიდებლობის დღე ვუსურვო. საქართველომ და უკრაინამ გაიარეს ერთნაირი გზა თავისუფლებამდე და ჩვენ ერთად გავივლით ჩვენს მომავალ გზას ევროპისკენ“, – წერს სალომე ზურაბიშვილი.
