აშშ-ს პრეზიდენტი ჯო ბაიდენი 30 აგვისტოს ვაშინგტონში შეხვდება თავის უკრაინელ კოლეგას ვოლოდიმირ ზელენსკის, განაცხადა ოთხშაბათს თეთრმა სახლმა.
"პრეზიდენტი ბაიდენი მოუთმენლად ელოდება უკრაინის პრეზიდენტ ვოლოდიმირ ზელენსკის თეთრ სახლში 30 აგვისტოს”, - აღნიშნულია თეთრი სახლის პრესმდივნის ჯენ ფსაკის განცხადებაში.
"ვიზიტი დაადასტურებს უკრაინის სუვერენიტეტისა და ტერიტორიული მთლიანობის ურყევი მხარდაჭერას დონბასსა და ყირიმში რუსეთის აგრესიის ფონზე", - ნათქვამია განცხადებაში.
გარდა ამისა, ფსაკის თანახმად, უკრაინის ლიდერის ვიზიტი შეერთებულ შტატებში ასევე დაადასტურებს "ჩვენს მჭიდრო თანამშრომლობას ენერგეტიკული უსაფრთხოების სფეროში"
"მხარს ვუჭერთ პრეზიდენტ ზელენსკის ძალისხმევას კორუფციასთან ბრძოლისა და ჩვენი საერთო დემოკრატიული ფასეულობების საფუძველზე რეფორმების გატარებაში", - ნათქვამია განცხადებაში.