მარკეტინგული კვლევებისა და საკონსულტაციო კომპანია "ეი-სი-თი" კვლევის შედეგად აღმოჩნდა, რომ ბოლო ერთი წლის განმავლობაში საქართველოს ურბანული მოსახლეობის ზრდასრული ნაწილის მხოლოდ 26%-ს თუ შეუძენია საჩუქრად ოქროს ნაკეთობა ან სამკაული.
ამ მხრივ, საქართველოს მოსახლეობა იზიარებს მსოფლიო კრიზისით გამოწვეულ ტენდენციას, რომელიც გამოიხატება ოქროს ნაკეთობების უფრო გაყიდვაში, ვიდრე შეძენაში.
"ეი-სი-თის" კვლევის მიხედვით, აღმოჩნდა, რომ რესპონდენტთა უმრავლესობისთვის (53%) ოქრო პირველ რიგში სამკაულია, ხოლო შემდეგ ინვესტიცია (31%).
მართალია, ოქროს დანიშნულებას რესპონდენტების უმრავლესობა საკუთარ ესთეტურ ტკბობას უკავშირებს, მაგრამ 31% უფრო რაციონალური და პრაგმატული შეფასებით გამოირჩევა.
ამ ნაწილისთვის, რომელშიც მამაკაცები დომინირებენ, ოქრო მყარი ვალუტა და კაპიტალდაბანდებაა, რომელსაც გამოიყენებენ კრიტიკულ თუ კრიზისულ ვითარებაში.
მსოფლიო კრიზისის დროს ოქროს ნაკეთობების გაყიდვები 30-40% შემცირდა.
აღმოჩნდა, რომ ამ უკანასკნელი 40 წლის განმავლობაში ოქრო საუკეთესო ობიექტი იყო ინვესტიციისთვის, ხოლო 1969 წლიდან - 2010 წლამდე მარტო ამერიკის ბაზარზე ოქროს ფასი 35-ჯერ გაიზარდა, რაც თავისთავად მრავლისმეტყველია.
ოქროს ნაკეთობების შეძენა კვლავ აქტუალური გახდა.
ოქროს ტარება ყოველთვის პრესტიჟული იყო და არის თუნდაც იმ მარტივი მიზეზით, რომ ზოგი ადამიანისთვის ოქროს სამკაულის თუ ნაკეთობის ტარება განსაზღვრავს მის სოციალურ სტატუსს.
საინტერესოა ისიც, რომ საქართველოში არანაკლებ პრესტიჟულია ოქროს ნივთის ჩუქება.