ამერიკელ ინვეტორებს საქართველოს გარანტორად აშშ-ს ექსპორტ-იმპორტ ბანკი ჩაუდება. მხარეებს შორს ხელშეკრულება ვაშინგტონში უკვე გაფორმდა. საქართველოს მხრიდან ხელშეკრულებას ხელი ეკონომიკისა და მდგრადი განვითარების მინისტრის პირველმა მოადგილემ არჩილ კეკლიამ მოაწერა.
ხელშეკრულების შედეგად ცნობილია, რომ ის ამერიკელი ინვესტორი, რომელიც საქართველოში საკუთარი ბიზნესის გაფართოებასა და ინვესტირებას გადაწყვეტს, მათზე აშშ-ს ექსპორტ-იმპორტ ბანკი დაბალ პროცენტიან სესხს გასცემს.
მემორანდუმით გაწერილია ის სფეროებიც, რომლითაც ამერიკელი ინვესტორები საქართველოთი უნდა დაინტერესდნენ, ესენია ენერგეტიკა, ტურიზმი, სოფლის მეურეობა და ჯანდაცვის სფეროები.
აღნიშნული შეთანხმების გაფორმება აშშ-ში სართველოს პრემიერ-მინისტრის ნიკა გილაურის ვიზიტისას გადაწყდა. ნიკა გილაური აშშ-ში ოქტომბრის დასაწყისში იმყოფებოდა და 6 ოქტომბერს ვაშინგტონში სახელმწიფო დეპარტამენტის შენობაში გამართული შეხვედრების წინ ნიკა გილაურს მოლაპარაკეკები ჰქონდა ამერიკის ექსპორტ-იმპორტის ბანკის ხელმძღვანელობასთან. მხარეები შეთანხმდნენ, რომ გაფორმდება მემორანდუმი, რომელმაც ხელი უნდა შეუწყოს ამერიკული კერძო ინვესტიციების მოზიდვას საქართველოში.
"მემორანდუმი გაფორმდება საქართველოს მთავრობასა და ექსიმ ბანკს შორის.ექსიმ ბანკი საქართველოში პირველად შემოვა. კლინტონის გამოსვლა იყო არაჩვეულებრივი მხარდაჭერის გამომხატველი. რეალურად, ეს ყველა ის წინადადება იყო, რომელიც ქართულ საზოგადოებას აინტერესებს. აშშ ითხოვს რსუეთის საოკუპაციო ჯარის გასვლას საქართველოდან,"- განაცხადა საქართველოს პრემიერ-მინისტრმა.