"ჩვენ შემოგვაქვს აღრიცხვის და კონტროლის ისეთი მექანიზმები, რომელიც მაქსიმალურად დააზღვევს საარჩევნო პროცესს სპეკულაციებისგან, - ამის შესახებ პარლამენტის ვიცე-სპიკერმა არჩილ თალაკვაძემ ჟურნალისტებთან საუბრისას განაცხადა.
თალაკვაძის თქმით, საარჩევნო ცვილებების მრავალპარტიული მხარდაჭერით მიღება მომავალში უსაფუძვლო სპეკულაციებს გამორიცხავს.
"მთავარი ახლა არის ის, რომ ჩვენ შევძლოთ მრავალპარტიული მხარდაჭერით ამ ცვლილებების მიღება და ასევე, ძალიან მნიშვნელოვანია, რომ არც ერთმა ოპოზიციურმა პარტიამ უსაფუძვლოდ არ სცადოს საარჩევნო პროცესის დისკრედიტაცია წინასწარ, რისი ნიშნებიც ჩვენ საპარლამენტო არჩევნებამდეც გვქონდა და არ გამოვრიცხავ, რომ ახლაც იყოს, ამიტომ მნიშვნელოვანია, რომ პროცესში ჩართულობა და მრავალპარტიული მხარდაჭერით ამ ცვლილებების მიღება, რაც მომავალში გამორიცხავს, რომ უსაფუძვლო სპეკულაციები იყოს პროცესთან დაკავშირებით", - განაცხადა თალაკვაძემ.