შეერთებული შტატების კონგრესმა დიდი უმრავლესობით მიიღო კანონპროქტი, რომლის მიხედვითაც ივნისის თვის კალენდარს კიდევ ერთი ფედერალური დღესასწაული დაემატა - "ქვეყანაში მონობის დასრულება".
კონგრესის წარმომადგენელთა პალატამ კანონპროექტი 415 ხმით 14-ის წინააღმდეგ დაამტკიცა, სენატის მიერ მისი ერთხმად დამტკიცებიდან ერთი დღის შემდეგ.
ეს არის პირველი ახალი ფედერალური დღესასწაული მას შემდეგ, რაც 1983 წელს მარტინ ლუთერ კინგის დღე დაწესდა.
ახალი ფედერალური დღესასწაული 19 ივნისს აღინიშნება.
19 ივნისი აღნიშნავს დღეს, როდესაც 1865 წლის 19 ივნისს, აშშ-ის არმიის გენერალმა გორდონ გრეინჯერმა ოფიციალურად ამცნო ტეხასის შტატში მცხოვრებ შავკანიან მონებს, რომ ამერიკის სამოქალაქო ომი დასრულდა და ისინი გათავისუფლდნენ, პრეზიდენტ აბრაამ ლინკოლნის მიერ მიღებული ემანსიპაციის პროკლამაციის საფუძველზე.
ახლა ჯერი ბო ბაიდენზეა, რომელმაც ამ ინიციატივის სისრულეში მოსაყვანად, კანონპროექტს ხელი უნდა მოაწეროს.
კანონპროექტი კონგრესში დემოკრატების მიერ იყო ინიცირებული და მან ორპარტიული მხარდაჭერა მოიპოვა.