აშშ-ის პრეზიდენტმა ჯო ბაიდენმა ჟენევაში გამართულ შეხვედრაზე რუსეთის პრეზიდენტ ვლადიმირ პუტინს უთხრა, რომ მისი საქმიანობა მიმართულია არა რუსეთის წინააღმდეგ, არამედ ამერიკელი ხალხის ინტერესებისკენ.
"მე ვუთხარი პრეზიდენტ პუტინს , რომ ჩემი დღის წესრიგი რუსეთის წინააღმდეგ არ არის მიმართული. ის მიმართულია ამერიკელი სალხის ინტერესების სასარგებლოდ - ეს ჩემი, როგორც პრეზიდენტის პასუხისმგებლობაა", - განაცხადა აშშ-ის პრეზიდენტმა ჯო ბაიდენმა პუტინთან შეხვედრის შემაჯამებელ პრეს-კონფერენციაზე.
ბაიდენის თქმით, რუსეთმა და ამერიკამ უნდა მოახერხონ თანამშრომლობა იმ სფეროებში, სადაც ეს შესაძლებელია.