36%-ი არის მაღალი პროცენტი, - ეს განცხადება საპენსიო სესხის პროცენტთან მიმართებაში გენერალურმა აუდიტორმა ირაკლი მექვაბიშვილმა "სტრატეგია აღმაშენებელის" ლიდერის გიორგი ვაშაძის კითხვის პასუხად გააკეთა.
"ჩემი, როგორც ერთ-ერთი რიგითი მოქალაქის პოზიცია ასეთია: 36% არის მაღალი პროცენტი. საპენსიო სესხი არის სამომხმარებლო ტიპის სესხი, როდესაც ჩვენს პენსიონერებს, ბებიებსა და ბაბუებს წინასწარ აძლევენ სესხს პენსიის უზრუნველყოფის ქვეშ. 36% სამომხმარებლო ტიპის სესხზე არის მაღალი", - განაცხადა ირაკლი მექვაბიშვილმა.
როგორც მექვაბიშვილმა განაცხადა, ის შესაბამის ხელშეკრულებას და მასთან დაკავშირებულ დეტალებს არ იცნობს.