მაღალი ძაბვის გამანაწილებელ ქვესადგურში "დიღომი 1" კომპანია "თელასის" მიერ გადაუდებელი სარემონტო სამუშაოების ჩატარების მიზნით მიმდინარე წლის 6 ნოემბერს 12.00 საათიდან 15.00 საათამდე დიდუბის რაიონის მოსახლეობის ნაწილს ელექტროენერგიის მიწოდება დროებით შეეზღუდება. შეზღუდვა შეეხება: ვაშლიჯვრის დასახლების, აღმაშენებლის ხეივნის, მარშალ გელოვანის გამზირის, დიღმის მასივის III, IV, V, VI კვარტლების, ახმეტელის, ლუბლიანას, ჩაჩავასა და ბელიაშვილის ქუჩების მაცხოვრებელებს.
დროის აღნიშნულ მონაკვეთში ელექტროენერგიას ვერ მიიღებს თბილისის საქალაქო სასამართლო, სასტუმრო ,,უშბა'', ცენტრალური საარჩევნო კომისიის ოფისი, `ტოიოტას" ცენტრი, იაშვილის სახ. ბავშვთა საავადმყოფო, რკინიგზის საავადმყოფო, ქირურგიის, თერაპიის, მორფოლოგიის, ბიოქიმიისა და ბოტანიკის ინსტიტუტები, ქარხანა ,,მიონი'', "ზარაფხანა''. დაგეგმილი სამუშაოებს შესახებ კომპანია `თელასმა" ამ ორგანიზაციებს წინასწარ უკვე აცნობა.
სარემონტო სამუშაოების დასრულების შემდეგ გათიშულ აბონენტებს ელექტრომომარაგება დაუყოვნებლივ აღუდგებათ.