ეუთოს გენერალური მდივანი ჰელგა მარია შმიდი, რომელიც საქართველოში ვიზიტით იმყოფება, ერგნეთში ინციდენტების პრევენციისა და მასზე რეაგირების მექანიზმის ჯგუფის შეხვედრას დაესწრო.
ჰელგა მარია შმიდის განცხადებით, ის კარგად არის ინფორმირებულ არსებულ ვითარებასთან დაკავშირებით და ზემიწევნით იცნობს ზაზა გახელაძის საკითხს, რომელიც ცხინვალის საოკუპაციო რეჟიმის მიერ არის დაკავებული.
ახლახან გვქონდა ინციდენტების პრევენციისა და მათზე რეაგირების მექანიზმების მეასე შეხვედრის გახსნა. მოხარული ვარ, მივსალმებოდი ეუთოს სახელით შეხვედრის მონაწილეებს.
კარგად მახსოვს პირველი შეხვედრა, რომელიც დაახლოებით თორმეტი წლის წინ ჩატარდა. მაშინ მე ევროკავშირს წარმოვადგენდი და ვამაყობ, რომ ვმონაწილეობდი ამ მნიშვნელოვანი მექანიზმის შექმნაში.
მე აღარ ვმუშაობ ევროკავშირში თუმცა მოხარული ვარ, რომ დღეს ჩემი კოლეგა ევროკავშირიდან არის წარმოდგენილი. ევროკავშირი და ეუთო ძალიან მჭიდროდ თანამშრომლობენ ერთმანეთთან. ინციდენტების პრევენციისა და მათზე რეაგირების მექანიზმების შეხვედრა გახდა დაძაბულობის განმუხტვის შეუცვლელი საშუალება.
აღნიშნულმა ფორმატმა, ასევე, ძალიან კონკრეტული წვლილი შეიტანა უსაფრთხოებისა და სტაბილურობის საქმეში", - თქვა ჰელგა მარია შმიდმა.
ეუთოს გენერალურმა მდივანმა ასევე აღნიშნა, რომ დღევანდელ შეხვედრაზე საუბარი ზაზა გახელაძის საკითხის შესახებ იქნება.
ეუთო მსოფლიოში ყველზე დიდი უსაფრთხოების რეგიონული ორგანიზაციაა, რომელიც მუშოაბს ხალხის კეთლდღეობისთვის. ამ კონკრეტულ შემთხვევაში იმ სირთულეების შესამსუბუქებლად, რომლებიც კონფლიქტის დროს დაზარალებულ მოსახლეობას აქვს.
ეს არის კონკრეტული ყოველდღიური და უსაფრთხოებასთან დაკავშირებული საკითხები. ასევე როგორც აღინიშნა, IPRM-ის შეხვედრები არის უმნიშვნელოვანესი საფუძველი ჟენევის საერთაშორისო დისკუსიებისთვის.
მინდა აღვნიშნო, რომ მე ძალინ კარგად ვიცი არსებული ვითარება, მაგალითისთვის ზაზა გახელაძის საკითხი, რომლის შესახებაც დღევანდელ შეხვედრაზე იქნება საუბარი", - თქვა ეუთოს გენერალურმა მდივანმა.