ნატოს სამიტის ფარგლებში, რომელიც ბრიუსელში 14 ივნისს გაიმართა, შეერთებული შტატების პრეზიდენტ ჯო ბაინდენთან შეხვედრისას, ლატვიის, ლიეტუვისა და ესტონეთის პრეზიდენტებმა საქართველოს საკითხიც განიხილეს.
საქართველოს ვიცე-პრემიერი, საგარეო საქმეთა მინისტრი დავით ზალკალიანი, ლიეტუვას, ლატვიასა და ესტონეთს მადლობას უხდის აშშ-ს პრეზიდენტთან, ნატოს სამიტის ფარგლებში საქართველოს საკითხის განხილვისთვის და ამის შესახებ სოციალურ ქსელ Twitter-ში წერს.
"მადლიერი ვარ ლიეტუვის, ლატვიისა და ესტონეთის პრეზიდენტ ბაიდენთან შეხვედრისას საქართველოს საკითხის განხილვისთვის. ჩვენი მეგობრებისა და პარტნიორების გვერდში დგომა ჩვენთვის უმნიშვნელოვანესია! ლიეტუვას მხარდაჭერა საქართველოსადმი კიდევ ერთხელ დადასტურდა პრეზიდენტ გიტანას ნაუსედას საქართველოში ბოლო ვიზიტის დროს," - ნათქვამია მინისტრის მიმართვაში.
