1-ელ ივნისს სომხეთის ეროვნულ უმცირესობათა კულტურის ცენტრი ბავშვთა ჟრიამულითა და მხიარული გადაძახილებით აივსო. ბავშვთა დაცვის საერთაშორისო დღესთან დაკავშირებით ცენტრში ვარსკვლავ გოგო-ბიჭების დაჯილდოების ცერემონიალი გაიმართა.
ამ ერთობლივ პროექტში, რომელიც სახელმწიფო საინფორმაციო საააგენტო "არმენპრეს“-მა და სომხეთის საზოგადოებრივმა რადიომ განახორციელეს, მონაწილეობა მიიღეს სომხეთში მცხოვრები 11 ეროვნული უმცირესობის პატარა წევრებმა. ბავშვებმა სხვადასხვა სათვისტომოდან წარმოადგინეს ქართული, რუსული, უკრაინული, პოლონური, სომხური , გერმანული, ბერძნული, ეზიდური, ასურული, ბელარუსული, ებრაული და. ა.შ. ხალხური ზღაპრები სომხურ ენაზე.
პროექტს პირველი ქართული სათვისტომო „ივერია“ გამოეხმაურა. ქართულ სათვისტომოსთან არსებული საკვირაო სკოლის მოსწავლემ მარიამ ღალეჩიანმა მოამზადა ქართული ზღაპარი (თარგმანი მაყვალა გეურკოვა-სააკიანისა) მეჩონგურე და არმენპრესის სტუდიაში საოცარი ოსტატობით, მხატვრულად მოუყვა სომეხ მსმენელს.
სახელმწიფო საინფორმაციო სააგენტო „არმენპრესის“ დირექტორმა ბატონმა არამ ანანიანმა მადლობა გადაუხადა მონაწილეებს პანდემიის ამ რთულ პირობებში 15 ნათელი, დაუვიწყარი შეხვედრისა და ზღაპრების მეშვეობით სიკეთის გავრცელებისათვის და დასძინა, რომ უდიდესი სიამოვნება განიცადა თითოეულ ბავშვთან მუშაობისას, რადგან ზღაპარი, რომელიც მათ წარმოადგინეს იყო თითოეულ მათგანში.
„სააგენტო „არმენპრესის“ და სომხეთის საზოგადოებრივი რადიოს კარი ყოველთვის ღიაა ასეთი კარგი ინიციატივებისთვის“. ამის შესახებ თავის სიტყვაში აღნიშნა საზოგადოებრივი რადიოს წარმომადგენელმა ედგარ ამირხანიანმა, რომელმაც ხაზი გაუსვა ზღაპრების საგანმანათლებლო მნიშვნელობას. მან განაცხადა, რომ
ზღაპრები გაზიარდება "არმენპრესის" YouTube-ის არხზე და გადაიცემა სომხეთის საზოგადოებრივი რადიოს ბავშვთა არხზე.
პროექტი "ზღაპარი ერთად" დაიწყო ჯერ კიდევ ადრიან გაზაფხულზე სომხეთის პრემიერ-მინისტრის ადმინისტრაციის საგანმანათლებლო და კულტურის ცენტრის ხელმძღვანელ ბატონი ავაგ ჰაკობიანის ინიციატივითა და ორგანიზაციული მხარდაჭერით.
