სავარაუდოდ, ივნის-ივლისში საქართველოში კიდევ 0,5 მლნ დოზა "სინოფარმის" ვაქცინა შემოვა. დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, მწარმოებელ კომპანიასთან მოლაპარაკებები ბოლო ეტაპზეა.
"საგარეო საქმეთა სამინისტროს მეშვეობით მიმდინარეობს მოლაპარაკებები და თითქმის ბოლომდეა მისული. დიდი ალბათობით, ნახევარი მლნ დოზა "სინოფარმის" ვაქცინა ივნის-ივლისში, ორ პარტიად უნდა შემოვიდეს ქვეყანაში. გარდა ამისა, წითელმა ჯვარმა "სინოფარმის" 100 ათასი დოზა გვაჩუქა და ვფიქრობთ, ის მაისში უნდა შემოვიდეს", - განაცხადა ამირან გამყრელიძემ.
