თბილისის წმინდა პანტელეიმონ მკურნალის სახელობის ტაძრის წინამძღვარი, დეკანოზი გიორგი ჩაჩავა "ასტრაზენეკას" ვაქცინით საჯაროდ აიცრა.
დეკანოზი თბილისის ინფექციურ საავადმყოფოში აიცრა და საზოგადოებას ვაქცინაციისკენ მოუწოდა.
"ქვეყანა მეტს ვეღარ გაუძლებს. ქვეყნის ეკონომიკა ვეღარ გაუძლებს. ბავშვები ვერ დადიან სკოლაში, სპორტზე, ანუ გაჩერებულია ქვეყანა. ჩვენ სასწრაფოდ უნდა გავიაროთ ეს ვაქცინაცია, რათა ქვეყანა გაიხსნას და ჩვენ ისევ დავუბრუნდეთ კალაპოტს. ჩემმა მრევლმა ბევრმა გაიკეთა უკვე და მე, როგორც კი მომიწია, გავიკეთე ვაქცინა. ქვეყანაში უნდა ამოქმედდეს ახსნა-განმარტებითი სისტემა და ორჯერ აცრილებისთვის კოვიდშეზღუდვები ცოტა უნდა შეიცვალოს, რომ იყოს სტიმულაცია. ეს იქნება დიდი ბიძგი", - განაცხადა დეკანოზმა გიორგი ჩაჩავამ.
