პარტია "კანონი და სამართლის" ლიდერი თაკო ჩარკვიანი "სტრატეგია აღმაშენებლის" ბლოკს ტოვებს.
ჩარკვიანის განცხადებით, მას შემდეგ, რაც გიორგი ვაშაძემ შარლ მიშელის დოკუმენტზე ხელმოწერის გადაწყვეტილება მიიღო, მასთან ერთად პოლიტიკურ ალიანსში ყოფნის შესაძლებლობას ვეღარ ხედავს.
"პრინციპულად მნიშვნელოვანია, სამართლებრივი სისტემის ცვლილება მოხდეს საქართველოში, თქვენი თაობა ეღირსოს ჯანმრთელ საარჩევნო სისტემას. ამ დოკუმენტში ეს არ ჩანს. თამარ ჟვანია რჩება, ხმებს ვინ გადათვლის, არ ვიცით, პროკურორს ვინ შეცვლის, არ ჩანს. დოკუმენტს ხელს არ მოვაწერ. გიორგიმ შეიძლება მოაწეროს, მაგრამ არ მოვაწერ. კოალიციას დავტოვებ, ბუნებრივია". - თქვა თაკო ჩარკვიანმა.
ცოტა ხნით ადრე, "სტრატეგია აღმაშენებლის" ლიდერმა, გიორგი ვაშაძემ განაცხადა, რომ ხელს მოაწერს შარლ მიშელის ეგიდით მომზადებულ ახალ წინადადებას.