19 აპრილს ევროკავშირის საგარეო საქმეთა მინისტრები არაფორმალურ ვიდეოკონფერენციას გამართავენ, რა დროსაც საქართველოს საკითხსაც განიხილავენ. ინფორმაცია რამდენიმე დღის წინ ევროპული საბჭოს პრესსამსახურმა გაავრცელა.
საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჟოზეპ ბორელი ევროკავშირის საგარეო საქმეთა მინისტრებს მიმდინარე საკითხებზე ინფორმაციას მიაწვდის, მოხდება ბოლო მოვლენებისა და დაგეგმილი ღონისძიებების განხილვა.
საქართველოს საკითხთან ერთად, ევროპელი დიპლომატები იმსჯელებენ ინდოეთში, მიანმარში, მოზამბიკში განვითარებული მოვლენების, ასევე ირანის ბირთვულ პროგრამასთან დაკავშირებულ საკითხებზე.
გარდა ამისა, ევროკავშირის მინისტრები არაფორმალურ მოლაპარაკებებს გამართავენ უკრაინის საგარეო საქმეთა მინისტრ დმიტრო კულებასთან.