- ეკონომიკა 12 იანვარი 2021, 14:47
2020 წელს საქართველოში უცხოელი ვიზიტორების რაოდენობა 81,3%-ით შემცირდა
2020 წელს საქართველოში უცხოელი ვიზიტორების რაოდენობა 81,3%-ით შემცირდა.
ტურიზმის ეროვნული ადმინისტრაციის მონაცემებით, 2020 წელს ქვეყანამ 1 749 308 საერთაშორისო ვიზიტორს უმასპინძლა, 2019 წელს კი 9 357 964 ვიზიტორს. სტატისტიკური მონაცემების მიხედვით, 2020 წელსაც საქართველოს ყველაზე მეტი ვიზიტორი მეზობელი ქვეყნებიდან ჰყავდა:
თურქეთი - 335 949 ვიზიტორი კლება 71%, აზერბაიჯანი - 295 175 ვიზიტორი, კლება 80,7%, სომხეთი - 261 295 ვიზიტორი, კლება 80,9%, რუსეთი - 209 169 ვიზიტორი, კლება 85,8%.
2020 წელს საქართველოში მყოფი უცხოელი ვიზიტორების 85,7%-ი ევროპაზე მოდის. 2020 წელს 2019 წელთან შედარებით კი ევროპელი ვიზიტორების რაოდენობა 80,5%-ითაა შემცირებული.
