გლდანში, უცნობმა პირებმა ნაციონალური მოძრაობის ერთ-ერთი წევრის, ნიკა მელიას ოფისის დაწვეს. შემთხვევა გვიან ღამით მოხდა.
როგორც მთავარი არხის კადრებში ჩანს, ჩამსხვრეულია ოფისის შუშა, ასევე დამწვარია ავეჯი.
შტაბის ხელმძღვანელის თქმით, "დამნაშავეები მთლიანი შენობის დაწვას აპირებდნენ, მაგრამ ადგილზე პოლიციის დროულად მობილიზების გამო ვერ მოასწრეს".
"ჯერ არავინ არ არის იდენტიფიცირებული. დილის 6-ის წუთებზე შევიტყვეთ, რომ ოფისში ხანძარია. დაგვხვდა ჩამსხვრეული შუშები და შენობაში შეგდებული ბენზინის 2 ბოთლი. მთლიანად აპირებდნენ დაწვას, მაგრამ ვერ მოასწრეს.
იმედი არ მაქვს, რომ რამეს გამოიძიებენ. იგივენაირად ჩაფარცხდება, როგორც იყო ყოველთვის". - ამბობს მელიას შტაბის ხელმძღვანელი მთავართან.
გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.
