"ქართული ოცნება - დემოკრატიული საქართველოს“ პარლამენტის წევრი რევაზ არველაძე საგანგებო მდგომარეობის შემოღების ინიციატივით გამოდის.
მისი აზრით საგანგებო მდგომარეობა შემოღებული უნდა იყოს ისეთი შეზღუდვებით, რომელიც არ დააზარალებს, ან ნაკლებად დააზარალებს ბიზნესს, ვთქვათ 20 ოქტომბრამდე, რათა არჩევნებიც უფრო ნორმალურად ჩატარდეს და არ დაველოდოთ, როდის გაიზრდება სიკვდილიანობის მაჩვენებელი.
"ვფიქრობ უკეთესი იქნებოდა არ გაუქმებულიყო საგანგებო მდგომარეობა და შენარჩუნებულიყო კომენდანტის საათი, ვთქვათ 22 დან 7 საათამდე, ტრანსპორტში პირბადეებით, არაუმეტეს 3 კაცის შეკრება, რესტორნები და კაფეები არაუმეტეს 10 კაციანი სუფრა და ა.შ.ყველაფერი ეს ისე, რომ ბიზნესის ზიანი მინიმალური ყოფილიყო ეხლა კი ბოლო 10 დღეში დაახლოებით იმდენივე დაინფიცირდა, რამდენიც 7 თვეში.
ვფიქრობ სიკვდილიანობა იმიტომ არ გაიზარდა, რომ მომეტებული რისკის მქონე (70 წელს გადაცილებული და გარკვეული დაავადებების მქონე) ადამიანები მაქსიმალური პასუხისმგებლობით მოეკიდნენ მდგომარეობას და დაიცვეს ყველა რეკომენდაცია და შეზღუდვა. სამწუხაროდ ყველა როდი უდგება საკითხს ამგვარად, რამაც შეიძლება სიკვდილიანობის ზრდაც გამოიწვიოს.
მიმაჩნია, რომ უნდა იქნას შემოღებული საგანგებო მდგომარეობა, ისეთი შეზღუდვებით, რომელიც არ დააზარალებს, ან ნაკლებად დააზარალებს ბიზნესს, ვთქვათ 20 ოქტომბრამდე, რათა არჩევნებიც უფრო ნორმალურად ჩატარდეს და არ დაველოდოთ, როდის გაიზრდება სიკვდილიანობის მაჩვენებელი", - წერს სოციალურ ქსელში რევაზ არველაძე.
