მხოლოდ მე შემიძლია, უკანონო ე.წ. ბორდერიზაციის შეჩერება . ასე ეხმიანება "ერთიანი საქართველო - დემოკრატიული მოძრაობის" ლიდერი ნინო ბურჯანაძე სოფელ ნიქოზში მიმდინარე უკანონო ე.წ. ბორდერიზაციის პროცესს.
მისი თქმით, ხელისუფლება უკანანო ბორდერიზაციის პროცესზე არ რეაგირებს.
"სრული პასუხისმგებლობით შემიძლია ვთქვა, რომ მხოლოდ მე და ჩემი თანაგუნდელები ვართ ის ძალა, რომლებიც ერთ-ერთ მთავარ პრიორიტეტად სწორედ უკანონო ე.წ. ბორდერიზაციის შეჩერებას ვაყენებთ. მხოლოდ მე შემიძლია, ეს პრობლემა შევაჩერო. ასევე, შემიძლია, გადავდგა კონკრეტული ნაბიჯები, რომ პირველ ეტაპზე, საქართველოს ტერიტორიაზე უკანონო ბორდერიზაცია შეჩერდეს და შემდგომ ეტაპებზე ყველაფერი გაკეთდეს, რომ ქვეყნის ტერირტორიიდან მავთულხლართები აღებული იყოს. ჩვენი ხელისუფლების მოქმედება კი ნულია", - განაცხადა ბურჯანაძემ.