რეგიონებში წყლით მომარაგების პრობლემის გადასაჭრელად მომავალი წლისთვის 220 მილიონია გათვალისწინებული. ამის შესახებ განცხადება ფინანსთა მინისტრმა კახა ბაინდურაშვილმა დღეს პარლამენტში საფინანსო საბიუჯეტო კომიტეტის სხდომაზე გააკეთა, სადაც პირველი მოსმენით განიხილეს მთავრობის მიერ წარმოდგენილი 2011 წლის ბიუჯეტის პროექტი.
ფინანსთა მინისტრმა პრიორიტეტებს შორის დაასახელა წყლით მომარაგების პრობლემის გადაჭრაც და აღნიშნა, რომ მომავალი წლის ბიუჯეტში ამ საკითხის მოსაგვარებლად, წლევანდელთან შედარებით, 150 მილიონით მეტია გათვალისწინებული. საერთო ჯამში კი ამ საკითხისთვის 220 მილიონი იქნება გამოყოფილი.
ფინანსთა მინისტრი იმედოვნებს, რომ ეს თანხა საკმარისი იქნება წყალმომარაგების პრობლემის გადასაჭრელად და ეს პრობლემა ისევე გადაიჭრება, "როგორც ეს მოხდა დენისა და გაზის შემთხვევაში".