ოპეკი ერაყის ნავთობის მოპოვების კვოტების სისტემაში ჩართვის შესახებ მოლაპარაკებებს მას შემდეგ დაიწყებს, რაც ნავთობის დღე-ღამური წარმოება 4 ან 5 მლნ ბარელს მიაღწევს, განაცხადა ოპეკის გენერალურმა მდივანმა აბდალლა ალ-ბადრიმ.
ერაყის სანავთობო მრეწველობა მოპოვების ამ დონეზე გასვლას შეძლებს არა უადრეს 2013-2014 წლებისა, აღნიშნა მან.
"ჩვენ ერაყთან დათმობაზე უნდა წავიდეთ, ვინაიდან ქვეყანას სჭირდება დრო ნავთობის წარმოების იმ დონემდე გაზრდისათვის, რომლის შემდეგაც ჩვენ შევძლებთ შესაბამისი მოლაპარაკებების დაწყებას კვოტების შესახებ. ერაყის მიერ ნავთობის მოპოვების ამჟამინდელი ოდენობა მნიშვნელოვან გავლენას არ ახდენს მსოფლიო ბაზარზე მოთხოვნილებისა და მიწოდების დაბალანსებაზე", - განაცხადა ოპეკის გენერალურმა მდივანმა.
ცნობისათვის, სექტემბრის თვეში ერაყმა დღე-ღამეში 2,3 მლნ ბარელი ნავთობი აწარმოა. თუმცა ქვეყნის მთავრობამ მიიღო გადაწყვეტილება 2016 წლისათვის ნავთობის მოპოვების 12 მლნ ბარელამდე გაზრდის შესახებ.