როგორც "ჯი-ეიჩ-ენს" აჭარის ფინანსთა და ეკონომიკის სამინისტროში განუცხადეს, განაცხადების შეტანის ვადის ამოწურვის შემდეგ, ვიდრე პარლამენტი "ტურისტული ზონების შესახებ" კანონპროექტს არ დაამტკიცებს, მანამდე სახელმწიფოს უფლება არ აქვს მოწონებულ ინვესტორთან ხელშეკრულება გააფორმოს.

თუ პარლამენტმა კანონი დროულად ვერ მიიღო, გამოდის რომ ინვესტორს, რომელიც ვალდებულია, სასტუმრო 2011 წლის 1-ელ აგვისტომდე შეიყვანოს ექსპლუატაშია, სასტუმროს მშენებლობისათვის ვადა უმცირდება.

თუმცა როგორც "ჯი-ეიჩ-ენს" აჭარის მთავრობაში განუმარტეს, მიმდინარეობს მუშაობა, რომ კანონში "ტურისტული ქონების შესახებ" 2011 წლის 1-ლი აგვისტოს ნაცვლად, შესაძლოა, ჩაიწეროს "გონივრული ვადა", რაც იმას ნიშნავს, რომ თითოეულ ინვესტორს თავისი პროექტის განხორციელებისათვის მიეცემა შესაბამისი ვადა ახალი სასტუმროს ექსპლუატაციაში შესაყვაად.

შეგახსენებთ, რომ ქობულეთში "თავისუფალი ტურისტული ზონის" განვითარების მიზნით, ე.წ "ფიჭვნარის" ტერიტორიზე, ზღვიდან 140 მ-ის დაშორებით, ახალი სასტუმროების მშენებლბისთვის მთავრობამ პოტენციურ ინვესტორებს განსხვავებული შეღავათები შესთავაზა.
პროექტის თანახმად, ე.წ "ფიჭვნარის" ტერიტორიზე, გამოყოფილია მიწის 3 ნაკვეთი (საერთო ფართით 11,3 ჰა), რომლებზედაც დაგეგმილია 27 სასტუმრო კორპუსის მშენებლობა.
განსაზღვრულია სასტუმრო კორპუსების 3 ტიპი. მშენებლობის მსურველს შეუძლია არჩევანი გააკეთოს.
ასევე, განსაზღვრულია, სასტუმრო კორპუსების სართულიანობაც: 5, 6 ან 7 სართული (42, 52 ან 60 ნომერი).
პროექტის თანახმად, სამშენებლო მიწის ნაკვეთის განკარგვა განხორციელდება სიმბოლურ ფასად, დამტკიცებული საპროექტო-სამშენებლო დოკუმენტაცია დამკვეთს გადაეცემა უსასყიდლოდ. ტერიტორია უზრუნველყოფილი იქნება საინჟინრო-კომუნალური ქსელებით და სათანადო ინფრასტრუქტურით.
იმ შემთხვევაში, თუ მშენებლობა დამთავრდება და ობიექტი ექსპლუატაციაში შევა 2011 წლის 1 აგვისტომდე, ინვესტორი 15 წლით მოგებისა და ქონების გადასახადებისაგან გათავისუფლდება.
ინვესტორებს განაცხადების წარდგენა 30 ოქტომბრამდე შეუძლიათ.