2010 წლის 19 ოქტომბრის მდგომარეობით საქართველოს დაცულ ტერიტორიებზე ტურისტების რიცხვმა 125 000-ს გადააჭარბა. გასულ წლებთან შედარებით ეს ვიზიტორთა რიცხვის ზრდის დიდი მაჩვენებელია. 2009 წლის მონაცემებით საქართველოს დაცულ ტერიტორიებზე სულ 98 000 ტურისტი, 2008 წელს კი 53 000 ტურისტი დაფიქსირდა.
მიმდინარე წლის მონაცემებით ეროვნულ პარკებში და ნაკრძალებში ტურისტების რიცხვი 28 პროცენტით გაიზარდა, მიუხედავად სათაფლიის ნაკრძალში ზაფხულის განმავლობაში მიმდინარე სარეაბილიტაციო სამუშაოებისა. 2009 წელს დაცულ ტერიტორიებზე დაფიქსირებული ვიზიტორებიდან 64 პროცენტი სწორედ სათაფლიის ნაკრძალზე მოდის.