ბაზრის ორი ლიდერი M group-ი და MON group-ი ერთიანდება და 1 ნოემბრიდან ოპერირებას M group-ის ბრენდის ქვეშ გააგრძელებენ.
კომპანიის მენეჯმენტი გაერთიანების მიზეზად ბაზრის წილის ზრდას და აღნიშნულ სექტორში სხვადსხავ სეგმენტების ათვისების შესაძლებლობას ასახელებს.
შესაბამისად გაერთიანების შედფეგად ერთი ბრენდის ქვეშ ექცევა სხვადსახვა კონცეფციის მქონე ლიდერი რესტორნები. დღემდე კომპანია M group-ის მართვაში მხოლოდ ის რესტორნები შედიოდა, რომლებშიც პრიორიტეტული ქართული სამზარეულო იყო. ხოლო MON group-ის რესტორნები ძირითადად უცხოურ სამზარეულოებზე იყო ორიენტირებული.
1 ნოემბრიდან M group-ის მართვაში არსებულ რესტორნებსა და სასტუმროებს: "მეტეხის ჩრდილში", "პურის სახლი", კლუბ რესტორანი "თუ საიდი", "ტრატორია ფონტანა", სახლინკლე რესტორნების ქსელი "მასპინძელო", სასტუმროები: "კურორტი ყვარლის ტბა", "ბაღები კურორტი ყვარლის ტბა", "ვილა პარკი" და "ვარკსვლავები" დაემატება შემდეგი რესტორნები - "ბუფეტი", "საკურა", ვონგი", ლექსპრესი" და "ბელ დე ჟურ-ი".
როგორც M group-ის გენერალურმა დირექტორმა ზურაბ ცინცაბაძემ განაცხადა, ორი კომპანიის შერწყმასთან ერთად სამომავლოდ M group-ი რამდენიმე ახალი პროექტის განხორციელებას გეგმავს. ცინცაბაძის განმარტებით, 2011 წლის დასაწყისში ახალი პროექტები ჩაეშვება, რომელიც წლის დასაწყისშივე 3 ან 4 ახალივ რესტორნის გახსნას ითვალისწინებს.
M group-ის სამეთვალყურეო საბჭოს თავმჯდომარის გიორგი ჩუბინიშვილის განმარტებით, მზარდი მოთხოვნის ფონზე კომპანიებმა გაერთიანება გადაწყვიტეს რაც სამომავლოდ სერვისის დონის ამაღლებაზეც აისახება. ჩუბინიშვილი ამ დროისათვის ვერ აკონკრეტებს თუ რა მოცულობის ინვესტიცია განხორციელდება უახლოეს პრეიოდში, თუმცა განმარტავს რომ მენეჯმენტი ამაზე მუშაობს და დეტალები ოქტომბრის ბოლომდე გახდება ცნობილი.
დღემდე M group-ი ბაზრის 25 პროცენტს აკონტროლებდა, ხოლო MON group-ი 15 პროცენტს. შერწყმის შედეგად კი პრემიალური კლასის HoReCa სექტორში გაერთიანებული M group-ის წილი 40 პროცენტი იქნება.
კომპანიის მენეჯმენტის განმარტებით, ინტენსიურად გაგრძელდება მუშაობა პროექტ "ქართული სუფრის საგანძური", რომლის მიხედვითაც სხვადასხვა რეგიონებში მოძიებული და მოპოვებული იქნება მივიწყებული სხვადასხვა კერძის რეცეპტები, რომელსაც შემდგომ M group-ი თავის სარესტორნო ქსელში შესთავაზებს მომხმარებელს. კომპანიის განმარტებით, ინოვაციებზე ორიენტირებული კომპანია M group-ი მომავალში ქსელის გაფართოვებასთან ერთად კომპანიის მართვის ქვეშ არსებული ბერნდების ექსპორტსაც გეგმავს საზღვარგარეთ.
შეგახსენებთ, რომ სასტუმროებისა და რესტორნების მენეჯმენტს ჯგუფი M group-ი 2005 წელს დაარსდა და დრეისათვის საქართველოს სხვადასხვა რეგიონში 20 წარმატებულ პროექტს მართავს. არის სხვადასხვა ფენისა და გემოვნების მომხმარებელზე გათვლილი კვების ობიექტები. წლის განმავლობაში M group-ს 500 ათასზე მეტი ადამიანი სტუმრობს. აღსაიშნავია რომ M group-ი პირველი მენეჯმენტ ჯგუფია აღმოსავლეთ ევროპაში, რომელმაც 2008 წელს ისო 9001-2000-ს მფლობელი გახდა. კომპანიაში დასაქმებულია 876 თანამშრომელი. სტატისტიკური მონაცემების თანახმად M group-ს 2009 წელს 389 ათასი მომხმარებელი ჰყავდა, ხოლო 2000 წელს M group-ის მომხმარებელთა რაოდენობამ 500 ათასს გადააჭარბა. რაც შეეხება MON group-ს ის 2007 წელს დაარსდა და კომპანიაში 110 თანამშსრომელია დასაქმებული. 2009 წელს MON group-ის რესტორანს 80 ათასი მომხმარებელი ჰყავდა, წელს კი მათმა რიცხვმა 100 ათასს მიაღწია.
