მესტიის მუნიციპალიტეტის სოფელ ლენჯერში დაკარგულ 13 წლის ილია ფილფანს მე-12 დღეა ეძებენ.
13 წლის მოზარდის დაკარგვის შესახებ ინფორმაცია თავდაპირველად ოჯახმა გაავრცელა. მათი ინფორმაციით, მოზარდი 18 ივლისს სახლიდან ველოსიპედით გავიდა და მას შემდეგ არ დაბრუნებულა.
საგანგებო სიტუაციების მართვის სამსახურის ინფორმაციით, საძიებო სამუშაოებში ჩართულია ვერტმფრენი, დრონები, 80-მდე მაშველი და ადგილობრივი მაცხოვრებელი.
გამოძიება სს კოდექსის 143-ე მუხლის მესამე ნაწილის “დ” ქვეპუნქტით მიმდინარეობს, რაც გულისხმობს თავისუფლების უკანონო აღკვეთას წინასწარი შეცნობით არასრულწლოვნის მიმართ.
