საერთაშორისო საფინანსო კორპორაცია "ბანკ კონსტანტასთან" აქტიურ თანამშრომლობას იწყებს. ხვალ, 19 სექტემბერს, 12:00 სთ-ზე, სასტუმრო თბილისი მარიოტში, საერთაშორისო საფინანსო კორპორაციასა და "ბანკ კონსტანტას" შორის თანამშრომლობის შესახებ ხელშეკრულება გაფორმდება.
ხელშეკრულების თანახმად, IFC, რომელიც მსოფლიო ბანკის ჯგუფის წევრი ორგანიზაციაა, "ბანკ კონსტანტასთან" რისკის მართვის პრაქტიკის გაუმჯობესების საკითხებზე იმუშავებს, რაც ბანკს დაეხმარება გაზარდოს მცირე ბიზნესის დაკრედიტება. ეს ინიციატივა IFC-ის იმ ზოგადი სტრატეგიის ნაწილია, რომელიც გლობალური ფინანსური კრიზისის შემდგომ ქართული ბანკების გაძლიერებას ისახავს მიზნად.