აფხაზეთის მთავრობის დევნილთა საქმეების დეპარტამენტისა და შ.პ.ს "მრავალეროვანი საქართველოს" ორგანიზებით, აფხაზეთიდან დევნილი ბავშვები კულტურულ-გაცვლითი პროგრამის "მრავალეროვანი საქართველო დემოკრატიული ღირებულებების განმტკიცებისთვის" ფარგლებში აშშ-ში გაემგზავრებიან.
ორგანიზაცია "მრავალეროვანი საქართველო", დევნილი ბავშვებისა და ახალგაზრდების ინგლისური ენის სწავლებას უფასოდ აწარმოებს, რომელთა შორის აშშ-ში გასამგზავრებლად 7 საუკეთესო მსმენელი შეირჩა.
აფხაზეთიდან დევნილი ბავშვები სამ კვირის მანძილზე ამერიკელ ხალხსა და ამერიკულ კულტურას გაეცნობიან. დაათვალიერებენ ნებრასკის შტატის ისტორიულ და სხვა სახის ღირშესანიშნავ ადგილებს. Mმონაწილეობას მიიღებენ სხავდასხვა სახის გასართობ, საგანმანათლებლო, კულტურულ და სპორტულ ღონისძიებებში.
პროექტის მიზანია ინგლისური ენის ცოდნის გაღრმავება, ამერიკული კულტურისა და საგანმანათლებლო სისტემების დათვალიერება. საქართველოსა და აშშ-ს შორის, დემოკრატიული ტრადიციებისა და გამოცდილების ურთიერთგაზიარება და გაცნობა.
პროგრამას აფხაზეთის დევნილთა საქმეების დეპარტამენტი და შ.პ.ს ‘მრავალეროვანი საქართველო" ერთობლივად ახორციელებენ, რომელთა შორის
ურთიერთთანამშრომლობის მემორანდუმი რამდენიმე ხნის წინ გაფორმდა.
აშშ-ში დევნილი ბავშვების სამკვირიან სწავლის კურსს, ლინკოლის სამხრეთ-აღმოსავლეთის სახალხო კოლეჯი, ლინკოლის სამხრეთ-როტაციის კლუბი და ნებრასკის უნივერსიტეტი დააფინანსებენ.
ბავშვები ამერიკაში 02:00 საათზე, თბილისის საერთაშორისო აეროპორტიდან გაემგზავრებიან.
