"ევროპული საქართველოს" ერთ-ერთი ლიდერი, გიგი უგულავა აცხადებს, რომ მისი კანდიდატურა, ლოგიკურია, რომ მაჟორიტარად განიხილებოდეს.
მისივე თქმით, ოპოზიცია მაჟორიტარების ერთიან კანდიდატზე უნდა შეთანხმდეს.
"მე, მაღალი ალბათობით, ვიქნები მაჟორიტარი იმ შემთხვევაში, თუ სხვადასხვა ოპოზიციური პარტიები შეჯერდებიან ოლქზე და ჩემს პერსონაზე. ამიტომ მე ჯერ ამაზე არ მიფიქრია. ლოგიკური არის, რომ მე ვიყო მაჟორიტარი, მაგრამ სად ვიქნები, როგორ ვიქნები ვერ ვიტყვი", - თქვა უგულავამ.
შეგახსენებთ, დღეს, 18 მაისს ოპოზიციურმა პარტიებმა შეხვედრები განაახლეს. დღევანდელი შეკრების შემდეგ ოპოზიციურმა პარტიებმა ერთობლივი განცხადება გაავრცელეს.