„უნიქარდის აქცია თქვენი უბნის მარკეტებში" ერთი თვის განმავლობაში გაგრძელდება და 10 ნოემბერს დასრულდება. ამ პერიოდის განმავლობაში ყოველ ჯამურად დაგროვილ 5 ქულაზე უნიქარდისგან საჩუქრად მიიღებთ დამატებით 5 ქულას. საჩუქრად მიღებული ქულები ანგარიშზე მეორე დღესვე დაგერიცხებათ.

აქციაში მონაწილეობს "იოლი", "იბისი", "მარი მარკეტი", "მეგამარკეტი", სუპერმარკეტი "2 ნაბიჯი", სუპერმარკეტი "ჯორჯიტა", სუპერმარკეტი "ბიფესი", სუპერმარკეტი „მანავი" და სხვა 70-ზე მეტი სუპერმარკეტი.
სიახლეა ახალი პარტნიორების მოზიდვის კუთხითაც: "უნიქარდი" ბაზარის ახალ სეგმენტზე გადის. დღეიდან, როგორც ქალაქის ტელეფონებიდან ისე მობილურებიდან, 8-07 კოდით განხორციელებულ ზარებზე ავტომატურად დაერიცხებათ შესაბამისი ქულები უნიქარდის დაგროვების ბარათზე.
ქალაქის ტელეფონებიდან განხორციელებულ ზარებზე ქულები დაირიცხება თანხის გადახდისთანავე, არა აქვს მნიშვნელობა დავალიანებას სწრაფი გადახდის აპარატებში გადაიხდან თუ 8-07 -ის სალაროებში. მობილური ოპერატორების აბონენტებს კი ქულები დაერიცხებათ საუბრის დასრულებისთანავე.

უნივერსალური დაგროვებითი ბარათი „უნიქარდი" ქართულ ბაზარზე 2010 წლის 7 აპრილს შემოვიდა. დღემდე გაცემულია 300 ათასზე მეტი ბარათი და „უნიქარდით" სარგებლობა 900-მდე ობიექტში არის შესაძლებელი.

"უნიქარდი" წარმოადგენს „უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი GML Capital-ის შვილობილი კომპანია Kazbeg Holding და საქართველოს მოქალაქეები არიან.

GML Capital  არის მსხვილი ინგლისური ბანკის Standard Bank-ის მიერ შექმნილი საინვესტიციო ფონდი, რომელიც ახორციელებს სხვადასხვა ბიზნეს პროექტების დაფინანსებას აღმოსავლეთ ევროპის და კავკასიის რეგიონებში.